من منا لا يؤمن أن البلد فيها فساد شديد؟ إذا كنت لا ترى هذا لا داعى للإستمرار فى القراءه.
من منا لا يريد الأصلاح ما إستطاع؟
إذا إتفقت معى على هاتين النقطتبن فلنكمل سويا:
الفساد منذ متى؟ خمس سنين؟ عشره؟ عشرين؟.أكثر؟
هل فى أى منطق أن من يفسد لهذه المده الطويله ممكن يصلح فى شهور بسيطه؟ حد يقنعنى لو هذا ممكن؟
العقل والمنطق يقول أن هذا مستحيل! مستحيل إصلاح فساد بهذا الحجم فى شهور قليله. يبقى عايز يفضل لييه؟ لو أنا مكانه أقول الحمد لله حد يجى يشيل الهم ده ويشرب البلد الخربانه دى . على قدر فهمى أن هناك ضغوط على حسنى من العصابه حوله. ليه؟ أولا هو سيخرج بدون محاسبه والناس قالت له حسابك على ربنا حقنا للدماء يعنى هو فى السليم. من سيضار من هذا الخروج؟ العصابه طبعا... لسه هناك فلوس ما خرجتش لأن الموضوع كا مفاجئه فلازم حسنى يفضل شويه حتى يجمعوا الحصيله ويفروا. مين تانى؟ الفاسدين على قمة جهاز الشرطه. لو مشى دلوقت حيتخرطوا وسيحاسبوا حساب عسير. اما إذا ظل قليلا فممكن يطبخوا أى حاجه ويلبسوها لضابط أو مجموعة ضباط صغار ويضحوا بيهم.
لو حسنى ناوى يمشى هو و أبنه لماذا لم يستقيلوا من الحزب؟ جمال إستقال من منصب القياده فقط يعنى لسه عضو و ممكن يرشح نفسه لأى منصب لاحقا.
ليه متمسك بقانون الطوارىء؟ هذا مثلا ليس له علاقه باللغط وكتر الكلام بتاع يتنحى إذاى ونغير الدستور ولا نحل المجلس و الكلام إلى توهونا بيه !. ده قرار بجرة قلم ويخلصنا من الطوارىْ! ده لو كان عايز يحل.
و الغريب أن الخبراء العسكريين و السياسيين العالميين يشبهون ثورة الشعب هذه بحرب وأنتصر فيها الشعب على الحكومه. كيف للمهزوم أن يملى شروطه. هى الدنيا إتقلبت ولا إييه؟
هتقولوا مش عايزين دم ؟ ما الدم سال خلاص و بيد الرئيس ورجاله. و عايزين يعطوا الشهيد فى المظاهرات 5000 جنيه. عايز أقول كلمه قبيحه هنا بس سأتركم تقواوها إنتم!!. أعجبنى واحد من أسر الشهداء قال أمس على قناة الحياه 2 :أنا سادفع لمبارك 5000 ثمن تذكرة الطياره ويرحل عنا.
عايز حد يديلى اماره على فرعنة عمر سليمان مع المتفاوضين!! الخبراء العسكريين و السياسيين العالميين يشبهون ثورة الشعب هذه بحرب وأنتصر فيها الشعب على الحكومه. كيف للمهزوم أن يملى شروطه. هى الدنيا إتقلبت ولا إييه؟
ليست هناك تعليقات:
إرسال تعليق